EMAKUMEAK KOMUNIKABIDEETAN

Nerea Lauzirika, Ane Recalde, Ihintza Zubiarrain eta Intza Trula

Azken mahai inguruan emakumea izan zen protagonista. Maite Asensio Lozano izan zen hitzaldiko azken hizlaria, Berria egunkariko kazetaria.

Azken urteetan kazetaritzan feminismorako lekua sortu da. Maite Asensiok adierazi zuen moduan, gaur egun feminismoa lantzeko, haren inguruan idazteko edota hitz egiteko “bide atsegina” topatu du Berria egunkarian, lehenago emakumeek egindako lan gogorrari esker. Argi utzi nahi izan zuen, “hedabide generalista bat ezin dela hedabide feminista bat izan”.